Timbog ang dalawang drug suspects matapos ikasa ng otoridad ang magkaibang buy-bust operationa sa Lungsod ng Puerto Princesa kahapon, ika-8 ng Disyembre.
Kinilala ang mga aresatdo na sina Jameson Luiz, 29 anyos, may asawa, mekaniko, at residente ng BM Road, Brgy. San Manuel at Antonino Del Mundo Luay, Street Level Individual/Pusher, 47 anyos, tricycle driver, may asawa at residente ng Purok Matahimik, Brgy. San Pedro ng ungsod.
Ayon sa report ng mga otoridad, si Lichauco ay inaresto sa Brgy. Tiniguiban ng Police Station 2 at City Anti-Crime Task force ganap na 3:25PM matapos mabilhan ito nang nagpapanggap na asset.
Nakuha sa kanya ang isang pakete na pinaniniwalaang ilegal na droga at P600 buy-bust money.
Habang si Luay naman ay nahuli ng City Police Drug Enforcement Unit at City Anti-Crime Task Force ganap na 5:40PM sa barangay kung saan ito residente.
Nasamsam sa kanya ang isang pakete ng ilegal na droga at P1,000 buy-bust money.
Mahaharap ang mga ito sa kasong paglabag ng RA 9165 o Comprehensive Dangerous Drugs Act.