Arestado ang isang lalaki sa ikinasang buy-bust operation kaninang madaling-araw sa Bayan ng Coron.
Sa anti-illegal drugs operation na ikinasa ng Coron Municipal Police Station at ng Regional Mobile Force Battalion (RMFB)-MIMAROPA sa So. Bukal-bukal 1, Brgy. Guadalupe, natimbog si Benjun Bagona Guian, 27 taong gulang at residente rin ng nasabing lugar.
Na-recover sa kanya ang 12 sachet ng hinihinalang shabu, isang P1000 bill at isang cellphone.
Sa ngayon ay nasa kustodiya ng ng Coron PNP ang suspek habang ihinahanda ang kasong paglabag sa Sections 5 at 11, Article II ng RA 9165 o ang “Comprehensive Dangerous Drugs Act of 2002.