Arestado ng Police Station 2 at City Anti-Crime Task Force ang umano’y drug suspect sa Purok Palawan Cherry Barangay Sicsican sa Puerto Princesa ganap na 3:35 ngayong hapon, Ika-2 ng Pebrero.
Kinilala ang naaresto na si Ivan Lee Peñaflor Buenaventura, 28 anyos, at residente sa Abad Santos Ext. Barangay Bagong Sikat.
Ayon sa awtoridad, ang lalaki ay maituturing na Street Level Individual (SLI) na nabilhan ng pinaniniwalaang marijuana. Nakumpiska sa kanya ang dalawang zip lock ng marijuana at limang daang piso na buy-bust money.
Sa ngayon, nahaharap sa kasong paglabag ng RA 9165 ang nasabing suspek.