Patay ang driver ng motorsiklo matapos n makabanggaan ang traysikel sa bahagi ng Barangay Tagburos sa Puerto Princesa kahapon, ika-13 ng Marso.
Kinilala ang nasawi na si Borjam Fernandez, nasa hustong gulang.
Sa inisyal na impormasyong nakalap ng news team, papaliko sa kanto ng Purok Village, Barangay Tagburos ang traysikel habang ang motor naman ay galing sa Norte papunta ng bayan. Sa bilis umano ng takbo nito bumangga sa traysikel ang biktima.
Nagtamo ng tama sa leeg at panga ang biktima.
Samantala, ang sakay at driver naman ng traysikel ay masuwerteng nakaligtas at nasa maayos na lagay.
Patuloy na iniimbestigahan ng awtoridad ang naganap na aksidente.