Parehong nasa pagamutan ang mag-live-in matapos magpalitan ng taga matapos mag-inuman.
Kinilala ang mga ito na sina Rosalina Magada Zulueta, 62 anyos, at Rogelio Colendres Sanico, 75 anyos, ng Sitio Bliss, Barangay Alfonso XIII, Quezon, Palawan.
Sa report ng Palawan Provincial Police Office, ganap na 4:00 ng hapon ika-18 ng Mayo, magkasamang nag-iinuman ang dalawa sa tahanan ng kanilang kapitbahay nang pauwi na ang mga ito ay nagkaroon ng pagtatalo. Kumuha ng itak ang lalaki at tinaga sa ulo ang partner nito habang nakahiga.
Inagaw naman ng biktima ang itak sa suspek at gumanti naman ito at tinaga ang lalaki.
Parehong sugatan ang dalawa, at kasalukuyan naka-confine sa Quezon Medicare Hospital.