Naaresto na ng pulisya ang isang wanted person sa Bayan ng Roxas, Palawan kahapon ng umaga.
Kinilala ang suspek na si Rodolfo Ytac Diaz Jr, 28 anyos, binata, magsasaka at residente ng Brgy. Caruray, San Vicente, Palawan.
Isinagawa ang pag-aresto sa suspek ng mga kawani ng Roxas MPS dakong 8:50 am kahapon sa Brgy. Rizal sa bisa ng ibinabang Warrant of Arrest ni Judge Ronilo A. Beronio ng MCTC-Roxas-Cagayancillo noong July 7, 2020.
Hinuli ang suspek ng mga alagad ng batas dahil sa kasong “Discharge of Firearm” kung saan ay inirekomenda ang P30,000 piyansa sa bawat isang count ng kanyang kaso para sa pansamantala niyang kalayaan.
Sa ngayon ay nasa kustodiya na ng Roxas MPS ang suspek at nakatakdang ipresenta sa issuing court para sa proper disposition.