Foreigner, ginahasa sa El Nido

Inireklamo ng isang Irish national ang isang tricycle driver na paggahasa sa kanya sa bayan ng El Nido, Palawan noong Pebrero 13, 2019.

Itinuro ng biktima si Perry Gaspe, 39 anyos, at isang tricycle driver na siya umanong nanggahasa sa kanya.

Ayon sa report ng El Nido PNP, papauwi na ang biktima kasama ang mga kaibigan galing sa painuman ng nasakyan nila ang tricycle ng suspek at naghatid sa kanilang tinutuluyang hotel.

Ngunit dahil magkahiwalay ang tinutuluyan ng biktima sa kanyang mga kaibigan, una munang ihinatid ang biktima at pagdating sa lugar kung saan malapit ang tinutuluyan nito ay nag magandang loob ang suspek na ihatid papasok ang biktma at naiwan ang dalawa nitong kasama sa tricycle.

Kalaunan ay nagulat ang dalawang kaibigan ng biktima ng bumalik ito na walang damit at sinabi na siya ay ginahasa ng driver.

Agad na nagpunta sa tanggapan ng pulis ang magkakaibigan at sinabi ang nangyareng krimen na agad namang nahuli ang suspek.

Sinampahan na ng kaukulang kaso ang suspek.