Sugatan ang isang lalaki matapos masaksak sa Sitio Patuyo, Barangay San Miguel, Linapacan, Palawan, bandang alas 12:15 AM ng Setyembre 27, 2021.
Kinilala ang 32 anyos na biktima na si Alex Villanueva Velasco habang ang suspek naman ay kinilala na si Benjie Estrella Rodriguez, 46 anyos, at pawang residente ng nasabing lugar.
Sa report ng Linapacan PNP, kasama ng biktima ang kaibigan nitong nag-iinuman at nakita ang suspek na nakatayo sa labas ng bahay at sinabi nito na pupunta sila sa pa-isdaan. Nagtanong din ang suspek kung magbibigay ba ito ng pera ngunit bigla nitong inundayan ng saksak ang biktima sa dibdib at sa iba pang parte ng katawan.
Samantala, naisugod naman sa Linapacan Rural Health Unit ang biktima habang ang suspek ay nasa kustudiya na ng Linapacan Municipal Police Station na maharap sa kaukulang kaso.