Patay ang isang lalaki matapos tagain sa Brgy. Punang, Sofroñio Española, Palawan ganap na alas 10:00 PM ng Oktubre 1, 2021.
Kinilala ang biktima na si Rolly Arcuyo Perrol, 52 anyos, may asawa, truck mechanic at pansamantalang naninirahan sa Barangay Punang, Sofronio Española, Palawan,
Ang mga suspek naman ay kinilala na sina Mastali Dugay Tejares a.k.a. “Tantan”, 42 anyos, at Rosebert Velasques Jardinero, 32 anyos, employado ng Palm Oil company, at residente sa Barangay Punang, Sofronio Española, Palawan.
Sa imbestigasyon ng Spañola Municipal Police, ganap na 9:30 PM pumunta ang mga suspek na nakainom sa tahanan ng biktima at niyaya na makipag inuman. Umayaw ang biktima na nauwi sa pagtatalo at nang pumasok na ang biktima sa loob ng bahay nito ay inakalang umalis na ang mga suspek.
Lumabas muli ang biktima at hindi nito napansin na ang dalawang suspek ay nakaabang sa labas. Agad tinaga ni
Jardinero ang biktima sa likod na naging sanhi ng agarang kamatayan nito.
Samantala, nasa kostudiya na ng awtoridad ang dalawang suspek na maharap sa kasong pagpatay.