Pinagkalooban si Tatay Ben ng karagdagang kabuhayan ng mga kapulisan sa pangunguna ni Police Lieutenant Colonel Mhardie R. Azares kasama ang mga tropa ng 2nd Palawan PMFC bilang pagdiriwang ng kanyang kaarawan. Niregaluhan si Tatay Ben ng “Itikan” (Duck Farm) at grocery package para sa patuloy niyang masaya’t maunlad na pamumuhay.
Lubos naman ang pasasalamat ni Tatay Ben sa handog ng mga kapulisan para sa kanya. Aniya, “Sa tulong niyo (2nd Palawan PMFC), tunay na maraming nagmamahal sa akin.”
“Tunay nga na walang imposible kapag ang lahat ay nagmamalasakit, nagkakaisa at nagtutulungan para sa ating kapwa lalo na sa mga nangangailangan,” saad ni Azares.
Matatandaang hinandogan din si tatay Ben ng 2nd Palawan PMFC ng munting bahay.