Malaking pagbati sa Philippine Women’s Team sa pagwawagi ng bronze medal sa kanilang makasaysayang debut sa 2025 Asia-Pacific Women’s Lacrosse Championship na ginanap sa Queensland, Australia!
Ito ang kauna-unahang titulo ng bansa sa isang international lacrosse event matapos talunin ang Chinese Taipei sa bronze medal match sa iskor na 18-6.
Bukod dito, nakuha rin ng koponan ang pwesto para sa kanilang kauna-unahang pagsabak sa 2026 World Lacrosse Women’s Championship na gaganapin sa Japan.