Arestado ng mga awtoridad ang isang lalaki na may kasong panggagahasa sa Barangay Maruyogon, Puerto Princesa City pasado 5:55 ng hapon nitong Abril 24, 2021.
Sa inilabas na impormasyon ng Puerto Princesa City Police Office, kinilaala ang suspek na si alyas “Boy”, 50 anyos, walang asawa, magsasaka, at nakatira sa Golden Valley, Barangay Sicsican.
Inaresto si alyas “Boy” sa bisa ng warrant of arrest na inilabas ni Judge Jocelyn Sundiang Dilig, RTC Branch 47, 4th Judicial Region, Puerto Princesa City na may petsang Abril 8, 2021 para sa kasong RAPE o panggagahasa, na walang kaukulang piyansa para sa kanyang pansamantalang kalayaan.
Nasa kustodiya ng Puerto Princesa City Police Station 2 ang suspek at nakatakdang ipresenta sa korte para sa kaukulang disposisyon.