Sa piitan ang diretso ng isang 53 anyos na lalaking kinilalang si Percival Veloria Jr residente ng Barangay Sta. Monica, lungsod ng Puerto Princesa.
Si Veloria ay isa sa tinaguriang High Value Individual ng mga operatiba.
Sa isinagawang drug buy bust operation ng Police Station 2, at City Drug Enforcement Unit, naaktuhan ng mga otoridad ang suspek sa bahagi ng Zone 1, sa nasabing Barangay ganap na 8:29 kagabi ika-19 Mayo.
Sa aktong nagbebenta ang suspect ng isang pakete na pinaniniwalaang diumano’y naglalaman ng methamphetamine hydrochloride o “shabu” sa isang asset ng operatiba gamit ang halagang Php 1,500 buy bust money. Kagya’t na inaresto si Veloria,at, nakuha sa kanyang pangangalaga ang isang wallet na may laman na dalawang pakete na pinaghihinalaang shabu nagkakahalaga ng 5 thousand pesos.
Paglabag sa RA 9165 o Comprehensive Dangerous Drug Act of 2002 ang kasong sinampa ng PNP laban kay Veloria.