Latest Update: 6:50 PM, July 22, 2018
TAYTAY, PALAWAN– Tinambangan ng hinihinalang ng New People’s Army (NPA) ang ang tropa ng Taytay Municipal Police Station (MPS) sakay sa kanilang Mobile Patrol sa bahagi ng Sitio Nagtakayan, Barangay Poblacion, Taytay, Palawan mga 10:50 kaninang umaga.
Sa ulat ng pulisya, patay ang kanilang dalawang tauhan na kinilalang sina PO3 Alexander Mimbalawag at PO1 Julpetri Gustaham.
Nangyari ang pananambang habang pabalik ang tropa sa kanilang himpilan mula sa Barangay Bato matapos rumesponde sa nangyaring vehicular accident.
Mga 8:30 kaninang umaga na tinawagan ang Taytay MPS na nagkaroon ng isang banggaan sa naturang lugar.
Pagkatapos ng imbestigasyon sa lugar ng aksidente, pabalik na ng estasyon ang dalawa nang ito sila ay inambush ng pinaghihinalaang mga NPA.
Samantala, nagpapatuloy ngayon ang hot pursuit operation ng mga awtoridad. (Imee Austria /Estrella Miranda/PDN)
