Katawan ng nawawalang mangingisda sa Araceli narekober ng PCG

Matagumpay na narekober ng Philippine Coast Guard Araceli Sub-Station noong Martes, Hunyo 11, ang katawan ni Rocky A. Tackal, isang mangingisda, na naiulat na nawala noong Hunyo 9 habang nangingisda malapit sa karagatan ng Barangay Taloto, Araceli, Palawan.

Hindi pa naglalabas ng detalye ang mga awtoridad hinggil sa pagkawala ni Tackal sa kasalukuyan.

Ang matagumpay na retrieval operation ay bunga ng pinagsamang pagsusumikap ng Philippine Coast Guard (PCG), Philippine National Police (PNP), Municipal Disaster Risk Reduction and Management Office (MDRRMO), Bantay Dagat, mga opisyal ng Barangay, at mga boluntaryong sibilyan.