Matagumpay na nakapagbahagi ng school supplies at food packs ang Support Our Troops Philippines, 3rd Marine Brigade at Marine Battalion Landing Team -4 sa mga mag-aaral ng Odyong Elementary School sa Brgy. Panitian, Quezon, Palawan noong ika-12 ng Oktobre 2021.
Hindi naging hadlang sa mga tropa ang malakas na hangin at ulan ang kagustuhang makatulong ng Support Our Troops Philippines, 3rd Marine Brigade at MBLT-4 sa mga mag-aaral ng Odyong Elementary School kabilang ang kanilang mga pamilya.
Dalawang daang (200) school bags na may lamang school supplies, dalawang daang (200) food packs at apat na libong (4,000) piraso ng pandesal ang kabuuang naipamahagi sa mga mag-aaral at kanilang pamilya. Lubos na nagpapasalamat ang mga mag-aaral, magulang at mga guro ng Odyong Elementary School sa biyayang kanilang natanggap.
Ang MBLT-4 ay patuloy na makikipagtulungan sa iba’t ibang organisasyon upang patuloy na makapaghatid ng tulong sa mga mamamayan lalo na sa mga kababayan sa Timog Palawan.