Ph-us,nagsagawa ng kauna-unahang maritime cooperative activity ng 2025

Kabilang sa mga kagamitan ng Pilipinas na ginamit sa aktibidad ay ang BRP Antonio Luna (FF151), BRP Andres Bonifacio (PS17), dalawang FA50 fighter aircraft, at mga Search and Rescue (SAR) assets ng Philippine Air Force.

Sa panig naman ng Estados Unidos, lumahok ang USS Carl Vinson Carrier Strike Group (VIN CSG), USS Princeton (CG59), USS Sterett (DDG104), isang MH-60 Seahawk helicopter, isang V-22 Osprey helicopter, at dalawang F-18 Hornet aircraft.

Noong Enero 17, isinagawa ng dalawang panig ang Communications Check Exercise (COMMEX), Division Tactics / Officer of the Watch (DIVTACS/OOW) maneuver, at Photo Exercise (PHOTOEX). Sinundan ito ng Dissimilar Aircraft Combat Training (DACT) noong Enero 18.

Ang ikalimang pag-uulit ng ganitong uri ng ehersisyo ay nagpatibay sa kooperasyon at interoperability ng Pilipinas at Estados Unidos sa larangan ng maritime defense.

”This MCA is a crucial element of our continued efforts to strengthen defense cooperation. With each exercise, we become increasingly prepared and effective in addressing the challenges ahead. This is a result of our shared commitment and mutual effort to safeguard our national interests, and secure a peaceful region.” AFP Chief of Staff, General Romeo S Brawner Jr, pahayag nito.