Arestado ng mga awtoridad ang dalawang kalalakihan sa magkaibang munisipyo sa lalawigan ng Palawan kahapon, Hulyo 4, dahil sa ibinabang Warrant of Arrest (WOA) ng korte.
Inaresto ng Roxas PNP ang isang lalaki na wanted sa batas sa Barangay 4, kahapon.
Kinilala ang suspek na si Jovie Lahao-Lahao Suanque Jr., 21 anyos, isang magsasaka at residente ng Sitio Caroroy, Barangay Calawag. Inaresto ito sa bisa ng Warrant of Arrest (WOA) sa kasong panggagahasa na walang kaukulang piyansa.
Kasalukuyang hawak ng PNP ang suspek.
Timbog naman ng Busuanga Municipal Police Station ang isang lalaki na wanted sa batas sa Barangay Concepcion, Busuanga. Kinilala ang suspek na si Marlon Abrero Dela Rosa, 46 anyos, residente ng Barangay Jose Rizal, Aborlan.
Inaresto ito sa bisa ng Warrant of Arrest dahil sa kasong Qualified Theft na may kaukulang piyansa na nagkakahalaga ng mahigit P30,000 para sa pansamantalang kalayaan nito.
Discussion about this post