Arestado sa isinagawang drug operation ng mga awtoridad ang 37-anyos na lalaki kinilalang Dario Tabang Lopez na residente sa Barangay Bancal, Cuyo, Palawan.
Base sa report ng Cuyo Municipal Police Station (MPS), ganap na 1:54AM ng Miyerkules, Marso 15, nang mahuli sa drug buy bust operation ang suspek sa nasabing barangay.
Nabilhan umano ang suspek ng nagpanggap na asset ng PNP ng isang pakete ng ilegal na droga na nagkakahalaga ng P1,000.00.
Anya, habang kinakapkapan ang suspek ay nakuhaan pa ito ng dalawa pang pakete ng shabu.
Samantala, ang naarestong suspek ay sasampahan ng kasong paglabag sa R.A 9165 o Cmprehensive Dangerous Drug Act of 2002.
Discussion about this post