Natagpuang nakadapa sa ilog ang wala ng buhay na katawan ng lalaki kaninang alas 7:00 ng umaga ng Biyernes, Setyembre 24, 2021.
Base sa spot report ng pulisya, nag-self crash ang biktima sakay ng kaniyang motorsiklo sa Purok Magkakaisa, Brgy. Sta. Lourdes alas 4:00 ng hapon noong Setyembre 22, 2021 nang mag-overtake sa isang tricycle.
Agad naman inilapit ng tricycle driver sa kapitan ng nasabing barangay ang nangyaring insidente na siyang nag-report sa Philippine Coast Guard (PCG). Nagsagawa ng search and rescue operation ang mga awtoridad ngunit hindi nahanap ang biktima.
Alas 7:00 kaninang umaga ay natagpuan ang bangkay ng biktima na kinilalang si Efraim Dulay Agustin, 55 anyos, at empleyado ng Solid Waste Management..
Discussion about this post