Aminado si Pangulong Rodrigo Duterte na noong una ay nag-aalangan ito na ipatigil ang operasyon ng e-sabong sa bansa dahil sa laki ng buwanang kontribusyon nito na mahigit ₱640,000,000.00. Aniya dahil dito ay maraming pamilya ang nasira at nalulong sa pagsusugal.
“Yong e-sabong…I’m sorry…I did not really realize that it would be like,” ani ni Duterte.
“I realize it very late and I am very sorry that it had to happen…hindi ko akalain na ganoon…hindi naman ako nagsusugal,”paliwanag ni Duterte.
“Pag na-dysfunctional, sige away…maghiwalay ‘yan…ito ang sige ng babae…pag nag-away iyan, gulo na ang pamilya, maghiwalay, ang mga bata,” dagdag pa ni Duterte.
Ayon sa Philippine Amusement and Gaming Corp (PAGCOR), umabot sa mahigit ₱5B ang revenue loss ng bansa para sa taong 2022 simula nang ipasara niya ito noong nakalipas na Mayo.
Isa sa mga nag-udyok kay Pangulong Duterte na ipasara ang e-sabong ang serye nang pagkawala ng ilang indibidwal at napag-alaman niya din umano ang masamang epekto nito kapag nalulong ang isang tao sa e-sabong na kung minsan umano ay nakakalimutan na nito matulog.
Dahil dito ay humiling ang ilang senador na ipasuspende o ipawalang bisa ang pag o-operate ng e-sabong dahil mahigit 31 na ang naitalang bilang ng mga nawawala bagay na hindi binigyang pansin ng pangulo dahil sa bilyon-bilyong kinikita ng gobyerno dito at hiniling nalang nito sa kongreso na i-regulate ang operasyon nito sa pamamagitan ng pag-isyu ng legislative franchise.
![[EDITORIAL] ‘Tapang at Malasakit’: 2,190 days under an iron fist](https://palawandailynews.com/wp-content/uploads/2022/06/Duterte-Ironfist-75x75.jpg)
Discussion about this post