Nagtamo ng mga saksak sa iba’t ibang bahagi ng katawan ang isang lalaki sa Bayan ng El Nido nang komprontahin ang kanyang biyenan.
Kinilala ang biktima na si Rolly Dalabajan Banico, 41, may asawa, mangingisda na residente ng Brgy. Villa Libertad ng nasabing munisipyo habang ang suspek ay si Elbert Zumarraga Badilla, 54, may-asawa, at residente ng Brgy. Manlag ng nabanggit ding bayan.
Batay sa spot report ng PPO, bandang 3:30 AM kahapon nang makatanggap ng tawag ang El Nido MPS kaugnay sa insidente.
Napag-alaman ng mga awtoridad na naganap ang krimen nang habang nag-iinuman ang suspek kasama ang iba pa ay dumaan ang biktima at kinumpronta ang suspek na nagresulta ng kanyang pagkagalit hanggang sa sinaksak niya ang biktima sa iba’t ibang bahagi ng katawan. Agad naman isinugod ang biktima sa 4K Medical Clinic upang maipagamot ngunit kalaunan ay inilipat sa Northern Palawan Provincial Hospital (NPPH) sa Munisipyo ng Taytay.
Sa kasalukuyan ay naaresto na ang suspek at nasa kustodiya ng El Nido MPS para sa tamang disposisyon.
Discussion about this post