Kalaboso ang isang lalaki sa bayan ng Booke’s Point matapos makuha sa pangangalaga nito ang 2 sachets ng ilegal na droga at iba pang drug paraphenalia.
Kinilala ang suspek na si Job Arruira, 44 taong gulang at nakatira sa Brgy. Poblacion District 1 sa nasabing munisipyo.
Ayon sa spot report ng Palawan PPO, nakatanggap ng impormasyon ang Brooke’s Point MPS na mayroong nangyayaring komusyon noong araw ng Sabado, ika-24 ng Hulyo kung kaya agad na rumesponde ang pulisya.
Pagdating ng mga awtoridad sa lugar ay nadatnan nilang nagtatalo ang isang babae at ang suspek, nang makita ni Arruira ang mga ito ay nagtangka pa umanong tumakas ngunit agad din nadakip ng mga alagad ng batas.
Nang kapkapan ang suspek upang masigurong wala itong anumang patalim ay dito na nakuha ang shabu at drug paraphernalia.
Nahaharap naman ngayon si Arruira sa kasong may paglabag sa Article 2, Section 11 and 12 ng Republic Act No. 9165 o Comprehensive Dangerous Drugs Act of 2002.
Discussion about this post