60 pamilya, apektado ng sunog sa Culion, Palawan

Umabot ng 60 na pamilya ang apektado pagkatapos na nasunog ang kanilang mga tirahan sa bayan ng Culion, Palawan.

Ayon kay Kapitan Clairmont Ubay, nag-umpisa ang sunog mga bandang alas dose ng madaling araw kanina, 3 February 2019, araw ng Linggo.

Mga alas tres y media ng madaling araw nang tuluyang naapula ang sunog ng Bureau of Fire and Protection.

Sa kabutihang palad, wala namang nasawi sa nasabing insidente.

Inaalam pa ng mga otoridad ang sanhi ng sunog na ito. — Report ni Pastor Hermie Villanueva