Apat na kalalakihan, arestado dahil sa iligal na pangingisda sa karagatan ng Balabac, Palawan

Timbog ng mga awtoridad ang apat (4) na kalalakihan sa isinagawang operasyon ng 2nd SOU-MG Balabac SBU sa pangunguna ni PMSg Arwyn Dale R Eleazar sa Sitio Matangule, Brgy. Bancalaan, Balabac, Palawan noong Pebrero 28, 2021.

Kinilala ang mga nadakip na sina Cale Sugan Tripole, Jemar Velasco Tisoy, Jerom Baron Moreno, at Sarver Marangga Butalid na pawang mga residente ng Brgy. Bancalaan, Balabac, Palawan. Nakumpiska sa mga ito ang  isang (1) plastic bottle na may lamang diluted liquid na pinaghihinalaang sodium cyanide na aktwal na ginagamit sa pag-compressor.

Samantala, nasa pangangalaga na ng mga awtoridad ang apat na mangingisda kasama ang ilang mga nakumpiskang kagamitan at nahaharap sa kasong paglabag sa Provincial Ordinance No. 1643 series of 2015 and at Sec. 92 ng  RA 10654 o Fisheries Code of the Philippines.