Bahay sa Narra, nilooban

Nilooban ang isang bahay sa Poblacion sa bayan ng Narra habang wala ang may-ari nito.

Ayon sa spot report ng Palawan Provincial Police Office, pinasok ang bahay ni Kenneth Robert Siddoway, 64, at may asawa.

Dakong 11:00 A.M. ika-11 ng Setyembre noong umalis ang biktima at ang asawa nito patungong Puerto Princesa, at sa pagbalik nila makalipas ang dalawang araw ay napansin ng biktima na may sira ang bahagi ng pader sa kanyang kusina na animo’y may nanloob sa kanyang tahanan.

ADVERTISEMENT

Agad namang sinuri ng biktima ang kanyang mga gamit, at nadiksubre niyang nabuksan ng mga suspek ang dalawang cash box na nakatago sa aparador niya.

Salaping nagkakahalaga ng P112,400 ang natangay ng mga hindi pa nakikilalang suspek.