Upang mapalawak ang kaalaman sa siyensya ng mga estudyante sa lungsod ng Puerto Princesa, nagsagawa ang Coral Bay Nickel Corporation (CBNC) katuwang ang Mind Museum ng Bonifacio Art Foundation Inc. ng isang scientific exhibits sa Ramon V. Mitra Sports Complex ngayong araw ng Martes, Hulyo 15.
Isa itong inisyatibo ng CBNC na naglalayong dalhin ang Mind Museum sa BGC, Taguig, patungong lungsod sa pamamagitan ng isang mind rover. Sa loob ng bus, maaring tumuklas ng iba’t ibang siyantipikong kaalaman ang mga mag-aaral.
“More on nag-discover po talaga ako like nag libot and ‘yung mga nakita ko po d’on is ‘yung kung paano nagkakaroon ng electricity, different types of atoms, and planets. Also, nandoon din po ‘yung mga innovation.”
“Sobrang thank you and sobrang ganda po ng idea and nagawa po nila for us kasi hindi lang po siya basta basta ano eh nagiging idea din po siya para sa aming mga estudyante,” saad ni Magbanua sa panayam sa kaniya.
