Dalawa, arestado sa sabong sa Bataraza

Arestado ang dalawang indibidwal sa sabong sa So. Colimbawang, Brgy. Culandanum, Bataraza, Palawan ganap na 2:55 PM November 14, 2021.   

Kinilala ang dalawang nahuli na sina Elizer Liza Mission, 59 anyos, magsasaka, at Ricardo Rosas Manalo, 47 anyos, helper sa glass aluminum store. Habang nakatakas ang tatlo na sina Ego Casiño, Totoy Isipan, at Hernan Cola.

Ayon sa report ng Bataraza MPS, nagsagawa sila ng mobile patrol operations sa lugar at nakita ang ilang mga motor na nakaparada sa isang tabi. Napag-alaman na mayroon inabandonang bahay kung saan nagsasabong ang mga kalalakihan.   

Nakumpiska ang bet money, apat na gaffer knives, at tatlong buhay at tatlong patay na manok.

Samantala, paglabag sa PD 1602 o illegal cockfighting ang kinakaharap ng mga naaresto ng PNP.