Matagumpay na pagsisimula ng alagang mata program, at pamamahagi ng kagamitang pangkabuhayan sa mga mangingisda ng el nido

Matagumpay na naisagawa ang unang Free Eye Check-Up ng Alagang Mata Program para sa taong ito. Sa pangunguna ng Lokal na Pamahalaan ng El Nido, katuwang ang Precious Life Foundation, Inc. at ang Palawan Eye Center, nakapagbigay tayo ng libreng serbisyong medikal sa 182 residente ng El Nido, kabilang ang ating mga minamahal na Senior Citizens at Persons with Disabilities (PWDs). Bukod dito, nakinabang din ang 36 na senior citizens mula sa bayan ng Taytay.

Lubos naman pasasalamat ang LGU sa lahat ng nakilahok at tumulong upang maisakatuparan ang makabuluhang inisyatibong ito, partikular sa MSWD Office at OSCA, na nanguna sa aktibidad na ito.

Elderly couple in El Nido pleads for building materials after losing home to Typhoon

DTI enforces prize freeze in Typhoon affected areas including Palawan

CBNC, patuloy na pinagtitibay ang suporta sa responsableng pagmimina

Samantala, sa pangunguna ng Municipal Mayor, Edna Gacot-Lim, Municipal Vice Mayor, Luningning Llanera-Batoy, at lahat ng Sangguniang Bayan Members, matagumpay ding naipamahagi ang mga gillnets at hook and line sa 125 na mangingisda. Ang programang ito, sa ilalim ng 5% Gender and Development (GAD) Fund, ay pinangunahan nina Municipal Agriculture Officer Mr. Hilarion Villareal at kanyang mga staff, kasama ang SB Committee Chair on Agriculture, Percival C. Austria, at Municipal GAD Focal Person, Mr. Jan Gibb C. Relata.

Hindi lamang ito isang simpleng pamamahagi ng kagamitan kundi isang hakbang upang mapaunlad ang kabuhayan ng ating mga mangingisda. Layunin ng Lokal na Pamahalaan ng Bayan ng El Nido na tiyakin ang pantay na oportunidad para sa lahat, maging lalaki man o babae, at mapabuti ang kalidad ng kanilang buhay.