Medical at Dental Mission ng YWAM, isinagawa sa Brooke’s Point

Nagsimula na ang Medical at Dental Mission ng Youth With A Mission o YWAM sa bayan ng Brooke’s Point, Palawan.

Sinimulan ito noong Lunes, Abril 18 at magtatagal hanggang Biyernes, Abril 21. Kabilang sa mga nakatanggap ng libreng medikal at dental na mga serbisyo ang mga residente ng barangay Calasaguen, Aribungos at Mainit.

Talumpo’t-apat (34) na magagaling mga doktor, dentista, dental assistants, nurses, espesyalista at mga tagapangalaga sa mata, kasama ang ibang volunteers sa logistics, kids ministry, values formation, set up, at iba pa ang nagtipon upang maisakatuparan ang medikal at dental mission sa nasabing bayan.

Samantala, malaki naman ang pasasalamat ni Mayor Cesareo R. Benedito Jr. sa grupo ng YWAM sapagkat isa ang kanilang nunisipyo sa mga nabigyan ng libreng serbisyong medikal.