Dispatcher, arestado dahil sa droga

ROXAS, PALAWAN — Isang dispatcher ng shuttle van ang arestado sa ikinasang drug operation sa bayan ng Roxas kahapon, Hulyo 15.

Sa pinagsanib na puwersa ng Roxas Municipal Police Station at Regional Mobile Force, natiklo ang suspek na kinilalang si Oddie Pacunla, 44 anyos at residente sa nabanggit na lugar.

Sa impormasyon na ipinaabot ng PNP, mga alas singko ng umaga kahapon nang magsagawa ng drug operation ang mga otoridad sa sa bahay ng suspek. Nang matapos ito mabilhan ng asset, agad itong inaresto.

Nakuha sa suspek ang dalawang pakete ng ilegal na droga at isang libong peso na marked money.

Si Pacunla ay nasa watch-list ng mga otoridad kung saan nahaharap sa kasong paglabag ng Republic Act 9165 o Comprehensive Dangerous Drug Act of 2002 ang nasabing suspek na ngaun ay nasa kustudiya na ito ng mga otoridad.