Dalawang lalaking may malaking sugat sa leeg, natagpuang patay sa Sta. Cruz

Dalawang lalaki ang natagpuang walang buhay sa loob ng isang traysikel sa Barangay Sta. Cruz, Puerto Princesa City kaninang umaga, Setyembre 15.

Ayon sa Facebook post ni Bambitabot Cena, nakita ang mga nasabing labi ng dalawang kalalakihan mga bandang 6:45 ng umaga sa loob ng traysikel na may plakang BC 44173.

Nakilala ang mga dalawang biktima na sina Ivan Ombion Jovelo at Henry Gazo.

Base sa kuhang lawaran ni Russle Wesbrook Okc, makikita ang malaking sugat sa leeg ng isang lalaki na may suot ng mahabang manggas na t-shirt na may kulay gray. Ang kasama naman nitong nakaitim na manggas ay makikitang may tali ang paa.

Kasalukuyang inaalam pa ng mga otoridad ang naging motibo sa krimen.