Dalawang sunog, naitala ngayong araw sa Lungsod ng Puerto Princesa

Ilang mga kabahayan ang natupok sa Old Buncag, Barangay Mandaragat, ganap na 11:00 ng umaga ngayong araw, ika-20 ng Hulyo 2021.

Ayon sa Bureau of Fire Protection (BFP), patuloy ang kanilang imbestigasyon upang alamin ang naging sanhi ng pagkasunog ng mga kabahayan.

Ideneklara ng BFP na fire under control bandang 11:58 ng tanghali ang naganap na sunog.

Itinuturo namang dahilan ng isang residente ang pumutok na rice cooker.

Samantala, lumiyab naman ang generator set ng EastWest Bank sa Rizal Avenue, isang oras ang pagitan sa nangyaring sunog sa Brgy. Mandaragat. Agad namang rumesponde ang BFP at naapula ang apoy.

[This is a developing story]