Arestado sa drug buy-bust operation ng operatiba sa pangunguna ni Police Master Sargeant Michael Miano sa pamumuno ni Police Captain Noel Manalo ng City Police Drug Enforcement Unit kasama ang Anti-Crime Task Force ng lokal na pamahalaan ang isang lalaki sa Purok Matapat, Brgy. San Jose, Puerto Princesa City ganap na 11:25 kaninang umaga, ika-16 ng Setyembre taong kasalukuyan.
Kinilala ang suspek na si Asidal Madjirol Asmad o Asmad, Street Level Individual (SLI)/Pusher, 25 anyos, binata, tricycle driver, at residente sa Purok Princeville, Brgy. Sta. Monica ng nasabing siyudad.
Ayon sa mga awtoridad, ang suspek ay nabilihan ng isang paketeng pinaniniwalaang iligal na droga. Nakuha rin sa kanya ang P1,500 buy bust money at isang unit ng cellphone.
Samantala, mahaharap sa kasong paglabag sa RA 9165 o ‘Comprehensive Dangerous Drug Act of 2002’ si Asmad. Ang suspek ay nasa kostudiya na ng Philippine National Police (PNP) para sa kaukulang disposisyon.
Discussion about this post