Nasakote ng Police Station 1 ang dalawang lalaki na sangkot sa illegal gambling sa Purok Bagong Silang, Barangay San Pedro, lungsod ng Puerto Princesa ganap na 10:50 ng umaga kahapon, Enero 16.
Ayon sa report ng PS1, nagsagawa ng operasyon kaugnay sa illegal gambling sa pangunguna ni Police Lieutenant Victor Lovido, sa ilalim ng pamumuno ni PMAJ Alta Xerxes Cabillage, Station Commander.
Nahuli ang dalawang lalaki dahil sa tupada na sina Anzel Josoy Colarte, 60 anyos, may asawa, caretaker, at residente ng Barangay San Isidro, at si Nelson Sinshioco, 52 anyos, may asawa, at residente naman ng Barangay San Jose.
Ang mga ito ay aktwal na nahuli at nakumpiskahan ng dalawang manok at bet money.
Paglabag sa Presidential Decree No. 1602 o illegal cockfighting ang isinampa ng pulisya laban sa dalawang lalaki.
Discussion about this post