Iniimbestigahan na ng mga awtoridad ang insidente ng pagnanakaw sa isang tahanan na matatagpuan sa NHA, Barangay Sta. Monica, lungsod ng Puerto Princesa.
Ayon sa may-ari ng bahay, na nagbahagi ng kanilang salaysay sa We R1, nadatnan nilang magulo ang kanilang tahanan at nagkalat ang mga gamit nang kanilang madiskubre ang insidente.
“Nais ko pong ipaalam na ang aming bahay sa NHA Sta. Monica ay niransak ng mga kawatan. Sana po ay mahuli o mabawasan ang mga taong gumagawa ng ganitong masamang gawain na nagdudulot ng malaking perwisyo sa mga mamamayan na nagsusumikap nang patas sa buhay. Dumadami na po sila at malaking banta ito sa aming kaligtasan.
Paalala po sa ating lahat na mag-ingat at maging mapagmatyag sa ating paligid. Nawa’y mabigyan ito ng agarang pansin at aksyon ng mga kinauukulan upang masugpo ang ganitong krimen.”
Discussion about this post