Limang indibidwal ang napasakamay ng PNP nang ikasa ang buy-bust operation sa Purok 7, Sitio Aragawan, Brgy. New Barbacan, Roxas, Palawan bandang alas sais ng gabi kahapon.
Kinilala ang mga suspek na sina Matt Vincent Majestad Magbanua, 34 taong gulang, single, walang trabaho, at residente ng Brgy. San Jose, Roxas, Palawan; Rommel Padernal Sinoy, 26 taong gulang, may asawa, self-employed at Cheery Gallardo Pinoy, 51 taong gulang, may asawa, may “buy and sell” na negosyo na pawang mga residente ng Brgy. Sta. Lourdes, Lungsod ng Puerto Princesa.
Naaresto ang mga suspek sa pamamagitan ng ikinasang buy-bust operation ng joint personnel ng Roxas MPS, sa pangunguna ni PMaj. Analyn Aurelio Palma, at mga Operatiba ng Palawan Provincial Drugs Enforcement Unit (PDEU), sa pangunguna naman ni PCpt. Michael Von Agbisit, at Provincial Intelligence Unit (PIU).
Nakuha mula sa mga suspek ang isang pirasong heat sealed transparent plastic sachet na naglalaman ng white crystalline substance na pinaniniwalaang shabu, isang P500 na ginamit bilang buy-bust money, limang pirasong heat-sealed transparent plastic sachet na naglalaman din ng white crystalline substance na pinaniniwalaang shabu, isang empty pack ng sigarilyong Marlboro at isang Swiss knife marked.
Sa ngayon ay inihahanda na ang kasong paglabag sa Republic Act 9165 o ang “Comprehensive Dangerous Drugs Act of 2002” laban sa mga suspek.
Discussion about this post