Magsasaka, timbog sa buy-bust sa Brooke’s Point

Arestado ng mga awtoridad ang isang magsasaka sa Munisipyo ng Brooke’s Point sa isang buy-bust operation kahapon.

Kinilala ang suspek na si Erwin Maasin Balderian, 42 taong gulang, may asawa, isang magsasaka at residente ng Sitio Mati, Brgy. Pangobilian ng nabanggit na munisipyo.

Sa spot report na ibinahagi ng Palawan PPO, bandang 3:53 PM kahapon nang ikasa ng Brooke’s Point PNP ang nasabing operasyon na nagresulta sa pagkakadakip ng suspek matapos na makabili ng pinaghihinalaang shabu ang poseur buyer mula sa kanya.

Nakuha mula sa pag-iingat ng Balderian ang tatlong paketeng may lamang pinaghihinalaang shabu, P500 na buy-bust money at isang itim na Nokia cellphone (may keypad).

Sa ngayon ay nahaharap ang nasabing suspek sa kasong paglabag sa Sections 5 at 11 ng Article II ng RA 9165 o ang “Comprehensive Dangerous Drugs Act of 2002.”