Arestado ang isang lalaki noong Enero 4, 2023, sa Barangay Poblacion, Taytay, Palawan, dahil sa krimeng pagpatay na kinasangkutan nito.
Kinilala ang suspek na si alias “Benjie,” 21-anyos, isang mangingisda, at residente sa nabanggit na bayan. Natukoy din ang suspek na ikalawa sa most wanted person sa buong lalawigan ng Palawan.
Ayon sa Palawan Provincial Police Office (PPO), nadakip si “Benjie” sa pinagsamang operasyon ng Taytay Municipal Police Station (MPS) katuwang ang Palawan Intelligence Unit at iba pang sangay ng pulisya. Pinagtibay naman ito ng warrant of arrest na ibinaba ni Hon. Judge Paul Bataculin Jagmis Jr., Punong Hokom ng RTC 4th Judicial Region, Branch 95, Roxas, Palawan.
Kaugnay nito, nasa himpilan na ng Taytay MPS ang suspek at ihaharap sa korte para sa tamang disposisyon.
Discussion about this post