Nadakip ng mga awtoridad ang isang lalaki na may kasong rape sa Golden Valley, Barangay Sicsican Puerto Princesa, pasado 9:25 ng umaga nitong Abril 17, 2021.
Sa ibinahaging impormasyon ng Puerto Princesa City Police Office, ang lalaki ay 38 anyos, tricycle driver at nakatira sa Golden Valley, Barangay Sicsican.
Naaresto ang supek sa bisa ng warrant of arrest na inisyu ni Judge Jose Bayani J. Usman ng RTC Branch 47, 4th Judicial Region, Puerto Princesa City na may petsang Abril 8, 2021 para sa kasong RAPE o panggagahasa na walang kaukulang piyansa.
Nasa kustodiya na ng Police Station 2 ang suspek at nakatakdang iharap sa korte para sa kaukulang disposisyon.
Discussion about this post