Suspek sa pagpatay sa gwardiya sa Puerto Princesa, naaresto sa South Cotabato

Arestado na ang lalaki na pumatay sa gwardiya ng J Marketing sa Barangay Magsaysay, Polomolok, South Cotabato sa pamamagitan ng Police Station 1, at Polomolok  Municipal Police Station na kinilalang si Ronald Relativo Dante alyas Onse, 38 anyos, welder, residente sa Tagburos, Puerto Princesa City.

Ayon sa report ng Puerto Princesa City Police Office, ganap na 9:20 ngayong umaga ng linggo Abril 10,2022 nang maaresto ang suspek sa bisa ng warrant of arrest na pirmado ni Judge Paz  Soledad B. Rudriguez- Cayatano ng Branch 49, 4th Judicial Region, Puerto Princesa City, Palawan, nitong Marso 16, 2022, sa kasong pagpatay (Murder).

Rank 7 “most wanted” ang suspek at kung maalala na noong Nobyembre 2, 2021 sa Rizal Avenue, Barangay Manggahan habang naka-duty ang biktima na si Jessie Mampay, 44 anyos residente ng Zone 5, Brgy. San Pedro, ay nilapitan ng dalawang suspek na nakainum, at nagkaroon ng pagtatalo ang tatlo kung saan sinaksak ni Ronald ang biktima sa dibdib na ikinamatay nito.

Nasa kustodiya na ng Polomolo MPS ang suspek at nakatakdang dalhin sa Puerto Princesa para sa tamang desposisyon.