Arestado ng pinagsanib na pwersa ng Philippine Drug Enforcement Agency Palawan PPO, Provincial Drug Enforcement Unit, Anti-Crime Task Force at Narra Municipal Police Station ang lalaki tulak ng illegal na droga sa sinagawang buy-bust operation sa Brgy. Antipuluan, Purok Masagana, Narra, Palawan ganap na 5:00 PM kahapon ika-7 ng Enero.
Kinilala ang suspek na si Rodolfo Midriano, 42 anyos, construction worker, at residente sa Purok Masagana sa nasabing bayan.
Nakuha sa kanya ang tatlong sachets ng pinaghihinilang droga na nagtitimbang ng 100 grams na may market value na P800,000.00.
Batay sa report ng PDEA, matagal ng minamanmanan ang mga suspek at kahapon ay nagkaroon ng transaksyon sa pagitan ng Otoridad at suspek dahilan ng kanilang pagka-aresto.
Samantala kasong paglabag ng Sections 5 at 11 Article ll ng Republic Act 9165 ang sinampa sa construction worker.
Discussion about this post