Lola, ginahasa at pinatay sa El Nido

Wala ng buhay ng matagpuan ang 73 anyos na si Ma. Melagros Rey Cabrestante, residente sa Barangay Mabini, El Nido, Palawan.

Ayon sa report ng Palawan Provincial Police Office, alas-dos ng madaling araw ika-14 ng Mayo ng i-report ng Barangay Chairman sa PNP ang insedente, kung saan nakita ang biktima sa masukal parte ng isang simbahan na wala ng buhay.

Sa imbestigasyon nakita ang biktima na wqlq na itong suot pang-ibaba, at lumalabas sa post-mortem examination na nagahasa ang biktima at nagkaroon din sugat sa ulo na ikinasawi nito.

Agad na nagsagawa ng manhunt operation ang El Nido PNP at naaresto ang suspek na siRolly Cabalda Ultra, 31 anyos, karpintero at  residente ng Purok Masagana, Mabini, El Nido, matapos nitong maiwan ang kanyang cellphone sa ilalim ng biktima dahilan upang matukoy ang kinaroroonan ng suspek.

Lumalabas din sa imbestigasyon noong Mayo 13, ganap na 9:00 ng gabi nagkaroon pa nagpag-uusap sa cellphone ang biktima at ang suspek.

Sinampahan ng kaukulang kaso ang suspek at nasa kostudiya na ng awtoridad.