Magsasaka sa Roxas, nakunan ng baril at iba’t ibang uri ng bala

Arestado ang isang magsasaka na kinilalang si Alejandro Tabo-Tabo Cadaguit, 47 anyos, sa isinagawang search operation ng Roxas Municipal Police Station (MPS) nitong Sabado ng gabi, Pebrero 13, sa Purok 6, Barangay New Barbacan, Roxas, Palawan.

Nakumpiska sa kaniya ang isang itim na sling bag kung saan nakuha ang .45 caliber pistol 1911 model na may serial no. 40839 at may magazine. Nakuha rin sa kanya ang isang magazine na may 7 .45 calibre na bala, black holster, camouflage pouch na naglalaman ng 39 pirasong .45 caliber at 8 pirasong .22 caliber na bala, violet na sling bag na may laman namang 3 magazine na may 21 pirasong .45 calibre na bala, at 1 box na naglalaban ng 38 pirasong 5.56mm na bala para sa m16 na rifle.

Nasa kustodiya ng Roxas MPS ang suspek na nahaharap sa kasong paglabag sa RA 10591 o “Comprehensive Firearms and Ammunition Regulation Act.”