Motorista, bumangga sa stock pile sa Bayan ng Narra

Kasalukuyan nagpapagaling sa Narra Municipal Hospital ang motoristang aksidenteng bumangga sa stock pile na kasalukuyang ginagawa ang kalsada sa National highway, Purok Matatag, Bgy. Panacan 2, Narra, Palawan ganap na 10:30 PM Oktubre 2, 2021.

Ang biktima kinilala na si Robert Bea Gutierrez  28 anyos, laborer, at residente sa  Purok Masagana, Bgy. Panacan 1, Narra, Palawan.

Batay sa ulat ng Palawan Provincial Police Office, isang concerned citizen ang dumulog sa kanilang himpilan upang ipaalam ang nangyaring aksidente. Napag alaman sa imbestigasyon na nakainom ang lalaki at pauwi na ito mula north papuntang south at hindi nito napansin ang stock pile dahilan upang sumemplang ito.

Agad na romesponde sa lugar ang Narra MDRRMO at dinala sa pagamutan ang biktima habang ang motor nito ay nasa kostudiya na ng PNP para sa karagdagang pang imbestigasyon.