Arestado sa ikinasang buy-bust operation ng Brooke’s Point Municipal Police Station ang lalaki na umano’y sangkot sa ilegal na droga kahapon ganap na 4:00 PM November 28.
Kinilala ang suspek na si Nol-Padsri Mohammad Alei Embing, 19 anyos, residente sa Barangay Oring-oring, Brooke’s Point.
Ayon sa Provincial Police Office, ang suspek ay nabilhan ng isang plastic sachet na naglalaman ng pinaniniwalaang ilegal na droga na nagtitimbang ng 1.2 grams.
Nakuha din sa kanyang pangangalaga ang lima pang hinihinalang pakete ng shabu, anim na libong buy-bust money, at paraphernalia.
Samantala nahaharap na sa kasong paglabag ng Republic Act 9165 o Comprehensive Dangerous Drugs Act of 2002 ang nasabing suspek.
Discussion about this post