MBLT-3, JCI Roxas Casuy, namahagi ng tulong sa Barangay Rizal, Roxas Palawan

Naghatid ng pamaskong handog ang Marine Battalion Landing Team-3 (MBLT Tres), kasama ang JCI Roxas Casuy, sa mga mamamayan ng Brgy. Rizal, Roxas, Palawan kahapon, Dec. 26, 2020.

Sa ibinahaging impormasyon ng MBLT-3 sa Palawan Daily News, nakasaad na naisakatuparan ito sa pamamagitan ng programang Outreach Program ng MBLT Tres, Merry Galo: Sugod Bahay Project ng JCI Roxas Casuy, at sa pakikipagtulungan ng Sitel Puerto Princesa, Sangguniang Bayan member Grace Banez at iba pang stakeholders. Partikular na ipinaabot sa mga benepisyaryo ng nasabing lugar ang tulong na gaya ng foodpacks, hygiene kits at kiddie toys.

Maliban pa rito, nagsagawa rin ng feeding program at mascot entertainment sina Pvt Thirdy at Pfc Trinity na naghatid ng tuwa at galak sa mga naroroon, lalong-lalo na sa mga kabataan at mga senior citizen.

Sa muli ay ipinaabot ng MBLT-3 ang kanilang pagbati ng maligayang araw ng Kapaskuhan sa mga mamamayan.