Kasalukuyang nagsasagawa ng search and rescue operation ang kawani ng Narra MDRRMO sa isang mag-anak na na-trap sa ilog ng Batang-Batang matapos mag-overflow dala ng walang humpay na pagulan mula kahapon Oktubre 10, 2021.
Ayon sa isang concerned citizen, tinangay umano ng baha ang bahay ng pamilya ni Edgar Dubla matapos rumagasa ang tubig sa naturang ilog.
Dahil sa lakas ng ragasa ng tubig, tinangay rin nito at inanod ang tiyuhin ni Edgar na si Ricardo Andres maging ang asawa at isang anak nito.
Narekober ang katawan ni Andres matapos matagpuan itong makita sa putikan at wala ng buhay.
Sa mga oras na ito ay tuloy pa rin ang giaagawang search and rescue operation sa maybahay ng biktima at anak nito, gayundin ang pagrekober sa buong pamilya Dubla.
Discussion about this post