Nakakabilib ang katapatan at integridad ng mall roving guard mula sa Aceguard Security Services Inc. ng SM Mall Puerto Princesa City.
Pasado 3:00 PM ng araw ng Pasko, Disyembre 25, ng ibalik ni SG Nessie Boy Landagan ang isang silver pouch na naglalaman pala ng cash na nagkakahalaga ng P109,000 na natagpuan sa hallway ng Upper Ground Level ng mall.
Matapos mapulot ang pitaka ay dinala niya ito sa kanilang opisina. Maya-maya pa ay isang babae na nagngangalang Marjorie Viernes mula sa Barangay San Pedro ang humingi ng tulong tungkol sa nawawalang pitaka.
Matapos ang pagsusuri ay nakompirma ngang pagmamay-ari ito ni Viernes at agad naman itong ibinalik ng pamahalaan ng mall.
Lubos naman ang pasasalamat ni Viernes sa kabutihang loob ni SG Landagan.
Discussion about this post