Hindi na umabot ng buhay sa ospital ang isang babae na sakay ng kotse habang nagtamo naman ng ‘minor injuries’ ang tatlong kasama nito sa naganap na aksidente kaninang alas 9:30 ng umaga, Pebrero 5, 2021, sa National Highway ng Barangay Sandoval, Roxas, Palawan.
Sa report ng PNP, kinilala ang biktima na si Expectacion Hate, 76 anyos, at residente sa Barangay Sta. Lourdes, Puerto Princesa City.
Base sa inisyal na imbestigasyon, minamaneho ang sasakyan ni Victor Hate mula sa Lungsod ng Puerto Princesa patungo sa bayan ng Taytay. Nang marating ang pakurbadang daanan sa nabanggit na lugar ay nawalan ng preno ang sasakyan na dahilan upang tumilapon ito sa bangin.
Samantala ang dalawa pa sa mga sakay nito ay kinilalang sina Rosario Esplana, 68 anyos at Francisco Esplana, 72 anyos na pawang mga residente rin ng Barangay Sta. Lourdes, Puerto Princesa City.
Discussion about this post